يمكن هاي، آخر مَرّة
ويمكن…
رَح قولها …
وأكتبها بالسما عالمَجَّرة
بحبك…
وعلى الدنيا السلام
وفي عيونك المَسَرّة
وإسمك…!
بايدي إكتبه
عسنديان بعلبك
ونهرها الخالد
وهياكلها الحره
…،
يمكن هاي آخر مرة
ويمكن
ما تنعاد الكرة
…،
ضاع العمر…و بهالعمر
ذابت معه آخر جمرة
قولي…
يا بنت هالزمان الضايع
بعد فيه بكرا…؟
أو هاي آخر مرة
ويمكن ما تنعاد الكرة؟؟؟…
شفت الحزن بعيونك
وشفت كيف الأَسر والغربة
من لهيب شوقك عملوا ثورة
وياما جفونك سهروا وصلوا
وقالوا وطلبوا من أللة
يا ألله يا كبير
إعطيني فرصة ، لو مرة
مرة بهالعمر…
زور فيها الحبيب
لو ثواني أو نظرة…
حسين جمعه بعلبك لبنان 2013/4/13