العنكبوت الالكتروني
أخبار لبنان، أخبار أستراليا، أخبار الوطن العربي، أخبار عالمية، مقالات، أخبار إقتصادية، أخبار رياضية، أخبار المشاهير، صحة، الدفاع والأمن، منوعات، أخبار على مدار الساعة

Ad Zone 2A

Ad Zone 2A

شرف الصمت

Ad Zone 4B

من ظلم الزمان وكبر حزنك وجبال هالصمت اللي مكومه فيك ،

 

كلمة تعِبت قليلة…،

قليلة عليك…،

وعتب!!!،

كلمة هزيلة،

بعرفك انها ما بتوفيك…!.

إنتَ حكاية طويلة،

أولها قهر،

وآخرها سِرقة عينيك ،

جيت بزمن الغفلة وكبرت وما حَسّوا فيك،

اعتقدوا إنك مثلهم،

تِشبه كُل إللي حواليك،

اندهشوا لمَّا عرفوا إنه القصه غير يا صديقي…،

غير هيك…

منهم مين قال: متكبر!!!

ومنهم مين قال: هيك وهيك…!؛

ما أصعب هالحياة لما تكون إنسان،

وعايش بين لصوص وصعاليك…!!!.

وهِنّي الحكم والحاكم،

وإنت سلعة يبيعوا ويشتروا فيك،

ودمعتك هالحنونة،

الحديد منها ذاب وانصهر بين إيديك،

ولان الصُّوان لما قَلَكّ شبيك لبيك….؛

عجبي!!!،

كيف الحديد والحجر يصيروا ألين

من قلوب بشر تجتهد كيف تجافيك….؟!.

عجبي على دنيا،

اللص فيها قاضي،

والمتهم فيها شرف هالصمت إللي فيك…!.

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.