العنكبوت الالكتروني
أخبار لبنان، أخبار أستراليا، أخبار الوطن العربي، أخبار عالمية، مقالات، أخبار إقتصادية، أخبار رياضية، أخبار المشاهير، صحة، الدفاع والأمن، منوعات، أخبار على مدار الساعة

Ad Zone 2A

Ad Zone 2A

ستيك فلادلفيا

Ad Zone 4B

من اسهل الاطباق اللى بتتعمل وطعمها بيبقى حلو اوى …. ستيك فلادلفيا

الطبق ده اصلا بيتاكل كساندوتش مشهور اوى فى ولاية فلادلفيا… بس احنا مش هنعمله ساندوتش
انا بعمله معاه خبز بالتوم وخضار سوتيه وبيبقى عظمة على عظمة

المقادير (لشخصين):
• 400 جرام لحم ستيك بتلو متقطع شرايط ارفع مايكون (احسن طريقة تقطعى اللحمة رفيع لما تكون متجمدة)
• مشروم متقطع شرائح
• بصل متقطع جوانح
• فصين توم مفروم
• شريحتين جبنة خالية من الدسم او قليلة الدسم
• ملح وفلفل وجوزة الطيب
• (اختيارى) فلفل اخضر… بس انا مابستعملوش.. لكن فيه طرق للفلادلفيا بتستعمل الفلفل

الطريقة:
• فى طاسة تيفال … نحط ملعقة شاى زيت زيتون ونشوح البصل لحد مايبقى بنى وبعدين ننزل بالتوم ونشوح
• بعدها ننزل باللحمة.. كل ده والنار عالية عشان عايزة اللحمة تاخد لون ماتبقاش زى المسلوقة كدة … ونتبل بالملح والفلفل وجوزة الطيب
• ننزل بالمشروم ونقلب… هنلاقيه نزل ميته هو كمان.. نقلب لغاية مايشربها تانى
• نوطى ونسيب اللحمة تستوى… مش هتاخد وقت لأنها بتلو رفيعة…
• اول ماتستوى.. نحط على الوش شريحتين الجبنة ونغطى عشان يسيحوا من غير مانقلب… هسيحوا ف ثانية..
• ونقدمها وهى على وشها الجبنة

الخبز بالتوم:
• رغيف بيتى بان اسمر مقطوع نصفين بالطول او 2 توست اسمر وندهنه بودرة توم بشوية ميه صغيرين ونحطه ف الفرن يتحمص

او ممكن تاكلوها مع الرز الابيض… وبالف هنا

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.